COMISÁRIO DA EXPOSIÇOM "PALABRA E MEMORIA"

Foto: Rodomiro Teixeira

Coincidindo com a entrega dos prémios Arraiana Universal, Entidades Arraianas e Arraiano Maior, o professor Isaac Alonso Estraviz recolheu na capela da Nossa Senhora do Jurês um novo reconhecimento ao seu incansável labor de dinamizador cultural. Trata-se do nomeamento de "Comisário de Honra da Exposiçom "Palabra e Memoria", impulsada pola "Área de Innovación Educativa" do Instituto Perdouro de Burela em colaboraçom com as investigadoras Aida López Vale e Alba García Pico.

Foto: Artur P.

Dado o interesse que o grande lexicógrafo galego tinha mostrado polo património documental dos nossos cemitérios, o professor Bernardo Penabade -em representaçom da intervençom educativa Modelo Burela- entregou-lhe umha cópia dos materiais da exposiçom "Palabra e Memoria", que recolhe mais de meio centenar de fotografias de epitáfios inscritos em lápides dos campos-santos das freguesias dos concelhos de Burela, O Vicedo e O Valadouro.

Alonso Estraviz manifestou públicos parabéns para um trabalho "absolutamente necessário, o de dinamizar o uso do idioma galego nas notas necrológicas e na linguagem das lápides" e comprometeu-se a levar a exposiçom a vários concelhos de Ourense, entre eles Alhariz, Trasmiras e Qualedro.

A iniciativa "Palabra e Memoria", incluída no Modelo Burela, começou em 1997 quando um vizinho desta localidade da Marinha procurava modelos para redigir o epitáfio para um parente falecido naquela altura. Após a visualizaçom das mais de 1600 lápides do cemitério local, inaugurado em 1912, descobriu que a do seu familiar seria a primeira em ser escrita em idioma galego (o falado habitualmente por um 87% da populaçom do citado concelho).

OUTRAS REFERÊNCIAS

Palabra e Memoria (Burela)

Palabras para o recordo (O Vicedo)

Palabra e Memoria (Sargadelos)

Modelo Burela (Entre os minutos 27 e 30)